Feijóo: "Os que mandan hoxe en España son Junqueras e Puigdemont"

O líder conservador galego dá por seguro o pacto de ERC e PSOE. Tamén alega que os socialistas presionaron á Avogacía do Estado para favorecer o pacto cun ditame favorable para Junqueras, que aínda se descoñece.

O presidente da Xunta, Alberto Núñez Feijóo, asegurou este xoves que "todo parece indicar que o pacto" para investir presidente ao socialista Pedro Sánchez "está feito e que non ten volta atrás", antes de lamentar que se "mesture" nas negociacións un informe da Avogacía do Estado".

"Quen me ía a dicir a min que ía ter que dicir na sede institucional da Xunta que os políticos que mandan hoxe en España son (Oriol) Junqueras e (Carles) Puigdemont. En 40 anos de democracia nunca un representante público viuse na obrigación de aceptar feitos tan duros e pesimistas", advertiu Feijóo, ao termo da reunión semanal do seu Executivo.

E á espera de que a Avogacía do Estado dea a coñecer as súas alegacións á sentenza do Tribunal de Xustiza da Unión Europea (TJUE) que recoñeceu a inmunidade como europarlamentario do líder de ERC mentres estaba a ser xulgado no Tribunal Supremo polo 'procés' independentista en Cataluña, Feijóo reafirmouse en que só Junqueras "sabe se vai haber goberno" en España, xa que é quen ten "a chave da gobernabilidade".

"(Junqueras) E despois o señor Puigdemont. Son os que van decidir e cando vai ser. Os demais estaremos atentos aos seus xestos, decisións, proclamas e manifestacións", esgrimiu o presidente galego, quen, en todo caso, deu por "feito" o "pacto" e censurou que se "mesture" coas negociacións "un informe da Avogacía do Estado"."Ese é o nivel no que se move a cuarta economía do euro", reprobou.

"Os MÁIS CRÍTICOS"
A xuízo de Feijóo, "se é incomprensible estar a formar goberno en base a ultimátums de partidos independentistas, moito máis" o é "poñer en mans d eles máis críticos coa xefatura do Estado" a gobernabilidade do país.

"Pero este é o panorama que vivimos agora. Oxalá nos fixese reflexionar", apelou Feijóo, quen incidiu na "pésima imaxe de España" á que dá pé, así como na "mala imaxe de Cataluña", unha comunidade que "non é produto exclusivo de ERC e JxCat", cuxa visión, esgrimiu, non comparten moitos cataláns.