O "horripilante" Belén de Jácome en Ourense suscita burlas e peticións de retirada

"En Nadal crearemos un monumental Belén en todo o casco antigo (será único en toda España)". Isto é o que prometía o programa electoral de Democracia Ourensá. Chegados ao poder, os de Gonzalo Pérez Jácome están a ofrecer bastante menos.E opinión dalgúns, moito menos.

A pesar de que se gastron 18.000 euros nel, segundo datos do PSdeG, o resultado é, por dicilo dalgunha maneira, limitado. 

Panadeira do Belén de Ourense, cos ollos pechados nunha imaxe de @vgiadas

Figuras a tamaño real pero pouco realistas, incluída unha panadeira cos ollos pechados. De pouco peso ademais, pois o vento derruba aos reis meigos con frecuencia. A palla que cubría o pesebre e os arredores levoulla, como non é estraño, un dos temporais que adoita azoutar Galicia no inverno.

"Hai xente que non lle gusta, pero eu non o vexo tan mal", xustifícase na prensa local Mario González, concelleiro de Cultura, en resposta a críticas como a de Paco Sarria, informador de Onda Cero e decano do Colexio de Xornalistas de Galicia, que se pregunta se "pode ser considerado contaminación visual e mesmo malos tratos ao paisaxe".

O certo é que unha petición para a retirada do "horripilante" belén xa sumou máis de 100 firmas en change.org en apenas unhas horas.

Os socialistas, pola súa banda, pregúntase "De que membro de DO será amigo a empresa á que adxudicaron a colocación do Belén?". O contrato foi adxudicado "a dedo", segundo eles.