Vídeo: Feijóo e o seu dobre felicítannos o Nadal e dannos pistas sobre as autonómicas

|

Presentarase Alberto Nuñez Feijóo ás eleccións de 2021? Si. Adiantará eses comicios, previstos para outono? Non. Son dúas intuicións que se poden entresacar do seu sorprendente vídeo de felicitación do Nadal. 


Feiju00f3ou e o seu dobre o actor Luís Zahera




Sorprendente polo ben producido e pouco convencional. Lonxe do ton institucional, o líder do PP tira dunha controlada autoparodia e preséntase no Museo de Galicia acompañado do seu irmán xemelgo.


No diálogo entre o político e o seu dobre -interpretado polo actor e humorista Luís Zahera- escóitase ao presidente prometer que non adiantará os comicios autonómicos de 2021 e, de paso, criticar aos colegas estatais que condenaron ao electorado a un carrusel de convocatorias.


"Galicia é todo", conclúe Feijóo na despedida, reforzando un das súas mensaxes forza destes anos: non hai honra máis grande para un galego que dirixir a Xunta. De feito, o diálogo con Zahera ironiza tamén sobre os seus desexos de ascender cara a Madrid.





Non é a primeira vez que Zahera -o coñecido camareiro Petroleo de Mareas Vivas- asume o reto de meterse na pel do líder conservador. Xa o fixo con éxito no programa Land Rober da CRTVG. 



 

Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal Cookies Consello editorial Publicidade
Powered by Bigpress