Case dez mil familias galegas sen luz en lugares como Porriño, Ponteceso e Cartelle

|

Houbo cortes en vilas grandes como Cangas e seguen sen luz en partes de outras máis pequenas como Porriño, Ponteceso, Cartelle ou Paderne de Allariz. Naturgy mantén a 100 persoas traballando nas reparacións.


Choivas en Ponteceso nunha imaxe da Policu00eda Local na súa Twitter

Choivas en Ponteceso nunha imaxe da Policía Local no seu Twitter



Preto de 9.500 fogares galegos permanecen este xoves sen luz a causa do temporal de vento e choiva que durante a xornada do mércores e esta madrugada afectou a Galicia.

Segundo confirmaron a Europa Press fontes de Naturgy, os operarios da entidade levan desde o inicio do temporal no terreo, aínda que, polo momento, aínda hai algo máis de 9.400 usuarios sen electricidade, dos que a maior parte --máis de 5.000-- son da provincia de Ourense.

Entre os municipios máis afectados están Ponteceso (A Coruña), Porriño (Pontevedra) e os ourensáns de Cartelle, Maside, Cortegada e Paderne de Allariz.


MÁIS DE CEN PERSOAS TRABJANDO

Naturgy dispón dun persoal de máis de 100 operarios sobre o terreo, que traballan para tratar de restablecer a subministración e aos que hai que engadir os traballadores do centro de control e xestión de redes.

Con todo, fontes da compañía subliñaron as dificultades que están a ter para acceder aos terreos onde se produciron as avarías, dado que persiste o vento e a choiva e, ademais, o terreo está "encharcado".

Sen comentarios

Escribe o teu comentario




He leído y acepto la política de privacidad

No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal Cookies Consello editorial Publicidade
Powered by Bigpress