Localizan ao desaparecido en Ourense; o caso de Viveiro apunta a desaparición voluntaria

O home buscado desde o venres 13 en Ourense foi localizado este martes ingresado nun hospital de Madrid, mentres que a Policía Nacional apunta a unha marcha "voluntaria" no caso do home desaparecido desde a mesma xornada tras acudir a unha cea en Viveiro (Lugo).

O caso de Viveiro podería responder a unha "desaparición voluntaria"

Segundo informaron a Europa Press fontes policiais, o home desaparecido en Ourense foi localizado ingresado no Hospital A Paz de Madrid e "está ben".

A esposa do desaparecido presentara denuncia ante a Policía Nacional o venres pasado ás 17,00 horas e indicou que o seu marido levaba desparecido desde as 9,00 horas desa xornada. O home, de 47 anos e nado en Ribadavia, reside no municipio de Ourense.

VIVEIRO

Pola súa banda, a Policía Nacional baralla que o home Alejandro Meitín San Isidro, de 34 anos, que permanece desaparecido desde que o pasado venres participou nunha cea en Viveiro (Lugo) "foise voluntariamente".

Fuentes próximas á investigación, que mantén aberta a Policía Nacional, manifestaron a Europa Press que "todo indica" que o home se marchou "voluntariamente no coche".

Con todo, proseguen as pescudas, pero xa non hai procura activa tras a batida "máis intensa" realizada este martes na zona de costa e outros puntos. Así, ao non poder achar o coche, os investigadores apuntan a unha marcha voluntaria.

Segundo a información de SOS Desaparecidos, Alejandro Meitín San Isidro mide 1,83 e é de complexión grosa con pelo moreno, ollos castaños e pendentes nas orellas. Na noite da súa desaparición levaba uns pantalóns vaqueiros, camisa a cadros e un anorak. Conducía un Ford Festa gris.