350.000 euros deixan os cupóns da ONCE no ambulatorio de Carballo

A vendedora do ambulatorio de Carballo repartiu os premios entre pacientes e profesionais sanitarios

O sorteo do cupón diario da ONCE repartiu un total de 350.000 euros en premios no municipio de Carballo (A Coruña) ao venderse 10 boletos premiados con 35.000 euros cada un.

Un kiosko da ONCE

Segundo informou a ONCE, a vendedora de produtos de xogo desta entidade Rosa María Rey Chouciño foi quen repartiu a sorte entre os seus clientes no seu posto de venda habitual situado no vestíbulo do ambulatorio da localidade coruñesa.

Rosa María Rey Chouciño, que é carballesa e ten unha discapacidade física, vende produtos de xogo da ONCE desde fai cinco anos e leva apenas 10 meses neste posto no ambulatorio, informou a organización.

As mesmas fontes destacaron que a vendedora "está moi contenta" por repartir tantos premios, que, segundo manifestou, "foron a parar repartidos entre traballadores do centro e pacientes".