Litros de cervexa causan quilómetros retencións na Autovía A 55

Toda a mañá leva cortado un carril en Mos en dirección Puxeiros tras un accidente dun camión de cervexa

Unha vertedura de cervexa debido a unha avaría sufrida polo camión que a transportaba dificultou este luns a circulación na estrada A-55 ao seu paso polo termo municipal de Mos (Pontevedra).

Segundo informou o 112 Galicia, o tráfico interrompeuse na A-55 por mor da ruptura da plataforma do camión que provocou a vertedura de parte da súa carga.

Para a limpeza da vía foi mobilizado persoal de mantemento do Ministerio de Fomento, Bombeiros do Baixo Miño e efectivos do Servizo Local de Emerxencias.

Foi o condutor do camión quen, ás 10,00 horas deste luns, chamou ao 112 Galicia para informar da situación e solicitar a axuda dos servizos de emerxencias.

Ás 14 horas do luns as retencións continuaban polo menos desde o lugar do suceso,  punto quilométrico 11,9,  ata o punto quilométrico 14,1, como se pode apreciar na imaxe da cámara da DXT.