"Sempre por Galiza" vota o Bloque Nacionalista Galego ao absterse na elección da presidenta do Congreso

|

Néstor Rego abstense citando a Castelao na primeira votación da lexislatura. Demandar o traspaso de Salvamento Marítimo e preguntar polo Blue Star será a súa primeira iniciativa.


O Bloque Nacionalista Galego comprometeuse a traballar polo "desbloqueo da axenda galega" no Congreso dos Deputados, institución na que o seu escano "marcará un antes e un despois" tras "anos de ninguneo constante a Galicia".


O deputado do BNG no Congreso, Néstor Rego, abstense na votación a Batet para a presidencia da Cámara baixaNestor Rego no Congreso


Así o destacou este martes en Madrid a líder dos nacionalistas galegos, Ana Pontón, quen asistiu, xunto ao deputado Néstor Rego, á sesión de constitución da Cámara baixa.


En declaracións aos medios, Pontón asegurou que arrinca unha "lexislatura moi ilusionante para Galicia". "Despois de catro anos volvemos ter voz da man do BNG", celebrou a nacionalista, que lamentou as "varias lexislaturas nas que Galicia estivo excluída dos debates, dos investimentos e da planificación". "Iso supón unha discriminación moi grave para o noso país", apuntou.

Por tanto, considerou que a xornada deste martes marca un "punto de inflexión" no que o "escano do BNG convértese no escano de Galicia". Así, mostrou o compromiso da súa formación para traballar polo "desbloqueo da axenda galega" tras anos nos que "os problemas de Galicia foron ignorados".

Neste sentido, entre outras cuestións, considerou necesario "solucións" á crise industrial das electrointensivas, aos problemas das infraestruturas galegas, á falta de saneamento das rías e á necesidade de modernización do ferrocarril.

QUE VOTARÁ O BLOQUE NA INVESTIDURA?
A xefa de filas do BNG tamén destacou que, nun escenario "sen maiorías absolutas", o diálogo "será moi importante". "Hai unha Cámara na que o peso do nacionalismo é cada vez maior e iso o que está a poñer de manifesto é que hai unhas reivindicacións que o Estado non pode ignorar", apuntou.

Ademais, referiuse á "involución democrática" de dereitos e liberdades que, na súa opinión, viviuse nos últimos anos. "Desde Galicia queremos contribuír a que haxa un diálogo que realmente signifique unha defensa da liberdade, dos dereitos, da democracia e de Galicia como unha nación", indicou.

E é que, segundo apuntou, é necesario "recoñecer que hai un estado plurinacional, pluricultural e plurilingüe e que non se pode seguir pechando os ollos a esa realidade", finalizou.

"ACTITUDE CONSTRUTIVA"
Pola súa banda, o deputado do BNG no Congreso, Néstor Rego, avanzou que o Bloque manterá unha "actitude construtiva" na Cámara baixa pero "firme na defensa dos intereses de Galicia, dos dereitos sociais e de vos dereitos nacionais" do pobo galego.

Ademais, indicou que la primeira iniciativa que os nacionalistas galegos presentarán será en relación ao encallamiento do 'Blue Star' na costa de Ares (A Coruña). "Un accidente que nos lembrou a indefensión das nosas costas", asegurou Rego, que adiantou que pedirá a transferencia a Galicia das competencias de Salvamento Marítimo.

ABSTENCIÓN CITANDO A CASTELAO
Precisamente, este martes, o deputado do BNG optou pola abstención na votación na votación para a elección da presidencia da Cámara baixa, na que Néstor Rego aproveitou para lembrar a Castelao coa súa papeleta na que escribiu 'Sempre por Galiza'.

Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal Cookies Consello editorial Publicidade
Powered by Bigpress