Rego: Se o PSOE quere o voto do BNG, Galicia debe xestionar emerxencias como o Prestige ou o Blue Star

As conversacións entre Bloque e PSOE avanzan. Os nacionalistas galegos saben do necesrio do seu apoio e fan énfase en dous puntos. Primeiro, Sánchez ten que escoller entre unha alianza de esquerda ou andar apoiándose no PP, como fixo no Decreto contra a República Dixital. Segundo, é imprescindible unha axenda galega que inclúa a transferencia de Salvamento Marítimo e unha saída para os traballadores de Endesa As Pontes. 

Rego, en primeira fila primeiro pola dereita, na manifestación de Nunca Máis ao fío do accidente do Blue Star

O deputado do Bloque no Congreso dos Deputados, Néstor Rego, anunciou que volverá a Madrid esta semana para "reunirse" co PSOE e "avanzar" nas negociacións de apoio á investidura do Goberno de coalición entre os socialistas e Unidas Podemos. 

RECLAMAN COÑECER O PROGRAMA
Rego adiantou este domingo --nunha entrevista na canle galega de Radio Nacional Española, recollida por Europa Press-- que aínda non hai "acordos feitos" e que a "posición final" do BNG dependerá de "como se atenda a axenda galega" que expoñen os nacionalistas e en función de "cal sexa o programa que presente a coalición que aspira ao Goberno" en temáticas como a política social.

O deputado galego quere ver o que os socialistas "formulan e cal é o clima de política xeral que queren crear". Ao seu xuízo, a existencia de "diálogo" e a disposición para resolver os "conflitos políticos pola vía política" son as fórmulas que o BNG necesita do partido de Pedro Sánchez para "poder avanzar".

Ao BLOQUE NON LLE VALE O DOBRE XOGO
Non lle parece "razoable" que o PSOE se mostre disposto a "renunciar á derrogación da reforma laboral ou da lei mordaza" e que ratificase o Decreto da República Dixital --"un decreto que vulnera os dereitos fundamentais como a liberdade de expresión e que permite ao Goberno clausurar de páxinas web sen intervención xudicial-- co apoio de PP e Cidadáns, pero que despois "se faga pasar por un Executivo progresista".

Para el, Pedro Sánchez ten que "establecer o campo de xogo" en función das "alianzas" que busca. Non pode "pactar cuns" para algunhas cousas e "con outros" para outras. A diferenza desta toma de posición variable, Rego deixou claro que o seu partido sempre se avalará a defensa de "a voz propia" de Galicia.

Esta mensaxe foi o que Néstor Rego xa trasladou ao PSOE na pri mera reunión de negociacións que se celebrou o pasado 18 de novembro. Lembra que houbo "boa receptividade" nas "cuestións que se puxeron sobre a mesa", relacionadas coa situación económica de Galicia, os investimentos, as infraestruturas de comunicación, a "grave crise industrial" e tamén a demográfica.

MEDIDAS PARA GALICIA
A día de hoxe parécelle "lóxico" que unha das primeiras iniciativas que se impulsen para Galicia sexa a "transferencia" das competencias de Salvamento Marítimo e da loita contra a contaminación no mar, despois do caso do Blue Star. O encallamiento deste barco "evidencia que tras o Prestige seguimos indefensos, cun sistema de salvamento que depende de Madrid e resta eficacia" na costa galega.

A esta cuestión, Rego engade a "grave crise industrial" que "pon en risco" o traballo de miles de persoas e de pobos enteiros como o das Pontes (A Coruña), que podería "quedar sen futuro". Neste sentido, insta tanto ao PP como ao PSOE para cesar na súa "inactividade" e exercer as súas "responsabilidades" buscando "solucións" para Endesa e para a industria electrointensiva.

Aínda que está de acordo na necesidade dunha transición enerxética, cre que "non se poñen sobre a mesa recursos nin propostas" para ofrecer alternativas e conseguir que sexa "xusta" a nivel social. Alude a imitar "outros países europeos" nos que "o peche de térmicas vai acompañado dun plan alternativo con recursos económicos suficientes para manter os postos de traballo" e, ao mesmo tempo, crense outros en "novas actividades económicas".

Respecto a outras preocupacións do Bloque, Rego apunta á "crise demográfica" do territorio, que precisa de "un plan capaz de fomentar a creación de emprego que de expectativas a toda esa mocidade" que se ve forzada a emigrar.

A nivel de infraestruturas, demanda a liberación de peaxes da AP-9 e o cesamento da "discriminación" das infraestruturas ferroviarias internas, que se asemellan máis ás de "comezos do século XX" que á actualidade. "Non pode ser que haxa cidades" galegas sen conectar.

GALICIA NO CONGRESO
Agora que o BNG recuperou a representación no Congreso dos Deputados, Néstor Rego asume a súa responsabilidade "enormemente esperanzado", coa intención de achegar a "voz libre e soberana de Galicia" que faltou en Madrid durante o últimos catro anos.

"Moita xente volveu votar ao BNG" e tamén "houbo xente nova que apostou" polo seu partido como "única garantía" de que Galicia estea presente no escenario político estatal e así o trasladará no Congreso, concluíu.