Lograr que os médicos de familia non vexan máis de 30 pacientes ao día é un dos motivos da próxima folga no SERGAS
As asembleas de áreas sanitarias galegas ratificaron este mércores a convocatoria de folga de persoal médico para os días 27 e 28 de novembro en defensa da Atención Primaria.
Unanimidade na convocatoria durante a asemblea de áreas sanitarias, que cre que o plan lanzado pola Consellería de Sanidade, no que seguen colaborando case todos os sindicatos do sector, na primavera non cumpriu os seus obxectivos
Unha pasada manifestación dos galenos de familia en Compostela
CALENDARIO ABERTO
Así, nun encontro mantido na tarde deste mércores en Santiago de Compostela, acordaron facer efectiva a convocatoria de paros ratificada a pasada semana noutra asemblea. Ademais, prevese levar a cabo diferentes protestas eses días en varias localidades, aínda por concretar.O pasado mércores, 6 de novembro, noutra reunión xa acordaron "por unanimidade" ratificar a proposta de convocatoria de paros con "os mesmos puntos da folga de xuño" que, lembraron nun comunicado, "seguen sen alcanzar".
NON MÁIS DE 30 PACIENTES AO DÍA
Por iso, reivindican un límite de 30 pacientes por día en consulta; unha estrutura de xestión de Atención Primaria, un orzamento para este nivel asistencial do 25 por cento do total, "cobertura do 100% das substitucións", a OPE "de todas as vacantes" e unha atención "homoxénea nas áreas: mesma derivacións e acceso a probas diagnósticas"."De seguir sen ter respostas, temos a intención de propoñer nun futuro inmediato, a convocatoria de folga indefinida e estuda a renuncia a formación de novos residentes o ano próximo", advertiran tras a reunión da semana pasada.
DENUNCIAN EMPEORAMENTO
Respecto diso, avisaron de que "nesta situación de sobrecarga que segue igual ou peor que outros anos pola inacción da Consellería, non é responsable nin posible facer formación de futuros especialistas de Atención Primaria".
Escribe o teu comentario