Dimite Albert Rivera como presidente de Cidadáns tras o desastre do 10N

O presidente de Cidadáns, Albert Rivera, dimitiu como líder da formación laranxa. Existían dúbidas sobre a súa continuidade á fronte do partido tras o afundimento sufrido nas eleccións xerais deste 10 de novembro, pero xa se filtrou que se vai. Está por ver se a súa marcha provoca cambios tamén nun tocado Cidadáns Galicia.

O partido anunciara unha rolda de prensa para dar a coñecer a análise da Executiva de Cidadáns convocada esta mañá. Con todo, fontes da formación laranxa han confirmado que será Rivera quen salga a falar para facer unha declaración sen preguntas.

Rivera asumiu este domingo pola noite que tras pasar de 57 a 10 escanos o resultado era malo "sen paliativos" e propuxo celebrar un congreso extraordinario para decidir o futuro de Cidadáns. Non concretou que faría el, pero reiterou que non entrou en política para ter un escano.

QUE PASARÁ EN GALICIA?PinoEn Galicia, a formación laranxa perdeu os seus dous deputados. En Pontevedra, Beatriz Piñeiro non logrou revalidar a súa acta e na Coruña Maria Vilas fracasou no seu intento de conservar o debido a que deixara Marta Rivera de la Cruz.  

E é que Cidadáns perdeu o 65% dos seus votos en Galicia, sendo superado tanto por Vox como polo BNG, caendo á sexta posición.

Está por ver se a onda de cambios que se aveciña en Madrid ten repercusións en Galicia. Hai que lembrar que na cúpula laranxa galega houbo movementos este ano. Olga Louzao, a líder local lucense, deixou a portavocía autonómica en favor de Laureano Bermejo, antigo portavoz do PP no Concello de Ourense.  

Bermejo xa asumiu onte uns "malos resultados sen paliativos".  Non se sabe se esta autocrítica implica algún movemento na formación laranxa en Galicia, que viviu conflitos recentemente nalgunhas agrupacións importantes, como a de Vigo, onde se marchou Gregrorio García, coordinador da xunta directiva olívica, e outros compañeiros.