Ourense segue sendo bipartidista: PP e PSOE volven empatar a dous escanos

Os datos do Ministerio do Interior na provincia de Ourense, co 87% escrutado, deixan ver como o voto, en comparación cos anteriores xenerais, segue igual de repartido na provincia, con dous escanos tanto para populares como socialistas.

Un colexio electoral

Por contraste coas eleccións do pasado 28 de abril, onde nin Cidadáns nin En Común-Unidas Podemos lograron representación no Congreso dos Deputados, que seguirían sen representación por Ourense. Moi destacable é o decalabro da formación laranxa, que perde máis de 10.000 votos en só seis meses. Pola súa banda, o PP, que logrou dous escanos, e o PSOE, con outros dous,  manteñen os seus resultados na provincia. O BNG e VOX, que mellorasen amplamente os seus resultados, quedan fóra da terna. 

Como no resto de Galicia, a participación na provincia sobe considerablemente, cun 12% máis, pasando do 53,96% ao 65,82%.