"Destafoi!" O Bloque celebra o seu retorno ás Cortes e promete desaloxar a Feijóo en 2020
De todos os partidos galegos, os nacionalistas son os que están máis contentos. A súa volta ao Congreso dos Deputados supón un salto cualititativo importante que lles dá esperanzas para ser un dos ingredientes do cambio en Galicia.
De todos os partidos galegos, os nacionalistas son os que están máis contentos. A súa volta ao Congreso dos Deputados supón un salto cualitativo importante que lles dá esperanzas para ser un dos ingredientes do cambio en Galicia.
As bágoas e os abrazos de alegría foron protagonistas da noite electoral do BNG este 10 de novembro, data na que catro anos despois consegue volver ao Congreso cun escano. O deputado electo pola circunscrición da Coruña, Néstor Rego, e a portavoz nacional da formación, Ana Pontón, coincidiron en marcarse o "obxectivo" de "botar a Feijóo e ao PP da Xunta" o próximo 2020.
Ao redor das 22,30 horas e co escrutinio por encima do 90%, compareceu o núcleo duro do Bloque para valorar uns resultados que, en palabras de Rego, supoñen "cumprir o obxectivo marcado": "Que o BNG volva estar no Congreso".
Pola súa banda, Ana Pontón prometeu que "Galicia vai estar representada e defendida como se merece" en Madrid e apelou a "poñerse a traballar para que este novo impulso" da formación "sexa a clave para que en 2020" na Comunidade "non goberne o Partido Popular" e que o nacionalismo galego "sexa decisivo".
(HABERÁ AMPLIACIÓN)
Escribe o teu comentario