Pablo Iglesias apoia a folga en de estudantes de Medicina da USC: "Son presente e futuro"

|

O líder de Unidas Podemos e candidato á presidencia do Goberno de España foi unha das moitas personalidades que quixo dar o seu apoio aos manifestantes, que cumpren xa 24 horas de parón ininterrompido e que está noite encerráronse na facultade. Galiciapress atendeu as súas denuncias antes de iniciar as mobilizacións. 


Protesta medicina

Protestas dos estudantes | Foto: Asemblea Aberta Medicina


A folga de Medicina en Santiago cumpre 24 horas. O alumnado protagonizou este martes unha intensa xornada de protestas, asembleas e reunións que se estendeu a través dun peche, no que numerosos estudantes pasaron a noite nos corredores da facultade para demandar solucións aos problemas organizativos e de docencia que padece a titulación.

Pero o programa de acción non se terminou aí e este mércores o alumnado continuou o paro indefinido e as reivindicacións. Segundo trasladaron a Europa Press portavoces da Asemblea Aberta de Medicina, os estudantes están " moi motivados

" e de novo deuse unha "ausencia case total" de xente nas aulas da facultade compostelá.


A primeira xornada de folga estivo marcada ademais por unha reunión entre delegados do alumnado, o decano de Medicina, Julián Álvarez, entre outros, que se estendeu ata pasadas as 01,00 horas e que foi seguida dunha asemblea cos estudantes na que se trasladaron as conclusións do encontro.

O decano mostrouse aberto a buscar solucións aos problemas que padece a facultade, que el mesmo recoñeceu este martes, e xa solicitou un reforzo a nivel administrativo ao reitorado da Universidade de Santiago.

Segundo os portavoces do alumnado, o propio reitor, Antonio López, mostrouse " aberto" a atender algunhas das peticións do colectivo, sobre todo aquelas relativas ao absentismo de parte do profesorado ou de "vexacións" denunciadas por algúns estudantes.

A pesar diso, " de momento non hai un plan de actuación claro", polo que os estudantes continuarán coa súa campaña de protestas e co paro na facultade á espera de novas reunións, unha delas ás 13,30 horas deste mércores cos xefes de departamento, o decanato e representantes do alumnado.

"Sabemos que moitas das cousas que nos dixeron non dependen do decanato, senón que se comprometeu a medias", explicou esta portavoz, aínda que valorou que si puxeron sobre a mesa "prazos de cumprimento" para algunhas das medidas, tanto de carácter "inmediato" como outras a medio prazo e para " as próximas xeracións", como son aquelas de reestruturación dalgunha materia e de mellora da calidade docente.

CACEROLADA E NOVO PECHE

O calendario de accións continúa, a pesar diso, e sobre as 12,30 horas convocouse unha nova sentada na escalinata da facultade e unha cacerolada. Ademais da reunión da permanente e a asemblea prevista para a tarde, os alumnos continuarán co peche e volverán pasar a noite no inmoble.


A asemblea de alumnos recibiu numerosos apoios nas redes sociais, tanto de federacións e colectivos de estudantes de toda España, como a Federación Española de Estudantes de Medicina, como de líderes políticos, como Martiño Noriega, e movementos sociais galegos.


Entre eles, o líder de Unidas Podemos, Pablo Iglesias, trasladou a súa "respecto, apoio e forza" ás protestas estudantís a través do seu perfil de 'Twitter'. "Estudantes de Medicina da Universidade de Santiago mobilizándose por unha educación e unha sanidade pública de calidade. Son presente e futuro. O noso respecto, apoio e forza!".

Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal Cookies Consello editorial Publicidade
Powered by Bigpress