Detido arróxase desde un noveno piso mentres asiste a un rexistro
Un home de 35 anos de idade resultou ferido moi grave tras lanzarse ao baleiro desde un noveno piso nun edificio de Vigo, onde estaba a asistir a un rexistro domiciliario en calidade de detido e investigado.
Un home de 35 anos de idade resultou ferido moi grave tras lanzarse ao baleiro desde un noveno piso nun edificio de Vigo, onde estaba a asistir a un rexistro domiciliario en calidade de detido e investigado.
Edificio desde o que o investigado saltou ao baleiro
No transcurso desa dilixencia, "de maneira sorpresiva, abalanzouse sobre unha xanela da vivenda, precipitándose ao baleiro desde un noveno piso". O home impactou contra o chan e resultou ferido "moi grave", sendo evacuado en ambulancia a un centro hospitalario.
As mesmas fontes informaron de que o home foi detido tras a presentación dunha denuncia por parte dunha muller, que asegurou que fora retida á forza no domicilio onde se estaba efectuando o rexistro.
O detido estaba a ser investigado polos supostos delitos de detención ilegal, delitos contra a liberdade sexual e revelación de segredos.
Escribe o teu comentario