​O SERGAS diagnostica gastroenterite a unha muller que estaba a padecer un ictus

A familia da afectada presentou unha reclamación ao SERGAS ao entender que o seu caso é unha "neglixencia médica" e que puxo en risco a saúde da muller, veciña da Estrada.

Os resultados dun TAC determinaron que a paciente estaba a sufrir un ictus

Tal e como relata La Voz de Galicia, a muller sufriu unha indisposición xeral que a levou ao centro médico da Estrada, onde rexistraron o estado de saúde da paciente, que levaba tempo vomitando e atopábase nun estado de gran nerviosismo. Os seus familiares explicaron á doutora que a atendía que non era normal o estado da afectada á que "non lle saían as palabras" e que "tartamudeaba".

Na Estrada diagnosticárona cunha gastroenterite e derivárona por prudencia ao hospital de Santiago, onde o seu estado foi a peor, chegando a vomitar sangue, algo que no centro compostelán achacaron nun primeiro momento "ao esforzo". A pesar de que no hospital sometérona a un seguimento máis exhaustivo con máis probas para  pescudar que lle ocorría, o diagnostico volveu ser unha gastroenterite e déronlle o alta.

EN CONTRA DO CRITERIO DAS ENFERMEIRAS

Incluso as propias enfermeiras do centro hospitalario discutiron a decisión da doutora que quixo enviar á paciente a casa, xa que entenderon que a enferma non se atopaba en disposición para abandonar o hospital.

Con todo, finalmente imperou a decisión da doutora e a afectada regresou ao seu domicilio, aínda que os vómitos non remitiran e mostraba os mesmos síntomas, como a incapacidade para falar e a imposibilidade para aguantarse de pé.

TAC

Xa pola mañá, e despois de non ver ningún tipo de melloría, os familiares volveron levala ao centro de saúde da Estrada, onde a súa médica de cabeceira a envío de novo ao hospital pola vía de Urxencias. Xa alí sometérona a un TAC que terminou revelando que a suposta enfermidade gastrointestinal era en realidade un ictus.

Estes novos datos levaron ao centro para ingresar á paciente, onde aínda segue recuperándose aínda que o seu estado mellorou considerablemente. Despois desta desagradable experiencia, os familiares da paciente presentaron unha queixa formal ante o centro médico da Estrada, rogando un recoñecemento máis pormenorizado aos pacientes antes de emitir un diagnostico parta evitar máis casos como leste.