Os profesionais da Educación Social saen este luns á rúa contra a Xunta

O Colexio de Educadores e Educadoras Sociais de Galicia (CEESG) organizou tres manifestacións este luns 14 de outubro nas cidades de Santiago de Compostela, Ourense e A Coruña  para facer público o seu descontento polas medidas do a Xunta.

Lemas do CEESG | Foto: CEESG

Os educadores sociais han dito basta e esta tarde tomarán as rúas de tres cidades galegas para protestar polas medidas do Goberno de Galicia contra o sector.  O Colexio de Educadores e Educadoras Sociais de Galicia (CEESG) convocou a todos os profesionais a unirse ás concentracións que terán lugar en Santiago de Compostela, en San Caetano, en Ourense, na Casa de chocolate, e na Coruña, no edificio Monelos, para facer público o seu rexeitamento ao trato que dispensa a Xunta ao sector. Todas as manifestacións arrincarán ás 19 horas.

Baixo o lema 'A miña profesión ten nome: educación social', desde CEESG tomaron esta determinación para mostrar o seu rexeitamento "ao borrador de convocatoria de 'Educador/a' da Xunta". Ademais, na mesma liña, reclaman "o campo profesional que nos corresponde" e que a Educación Social pertence "aos educadores e educadoras sociais".

Por iso, desde o Colexio Oficial loitan por lograr "unha intervención socioeducativa de calidade para a cidadanía" e acabar co "intrusismo" dentro do sector, que está a quitar emprego aos educadores sociais formados e que, sosteñen, está "amparado pola Xunta".