O 061 afirma que todas as súas ambulancias cumpren a normativa

A Fundación Pública Urxencias Sanitarias de Galicia - 061 rexeita as acusacións lanzadas onte polo BNG en sede parlamentaria sobre as supostas deficiencias das ambulancias. Fontes oficiais da Adminitración apuntan a Galiciapress que todas as ambulancias de transporte sanitario urxente cumpren a normativa vixente. En concreto o decreto 52/2015, do 5 de marzo, polo que se regula o transporte sanitario.

A Xunta evita entrar no detalle de as acusacións vertidas pola deputada Montse Prado, quen dixo, por exemplo, que hai ambulancias que acoden a atender emerxencias con só un técnico. A política nacionalista asegura que se segue incumprindo as normas a pesar de que recoñece que aumentou a "dotación" dalgúns servizos ao fío dos novos concursos. 

A Fundación 061 acaba de adxudicar varios dos lotes nos que se divide o transporte sanitario urxente en Galicia.