Vitoria parcial dos traballadores auxiliares de Navantia ao suspenderse algúns despedimentos
Indasa anulou o despedimento de seis traballadores de mantemento que ían cesar leste mesmo luns, polo que se abre a negociar medidas alternativas, como unha suspensión temporal de emprego, tal e como a representación social demandoulle.
Dos dous conflitos laborais en contratas do estaleiro público ferrolán, un desatáscase ao prorogar Navantia o contrato a Indasa, pero o conflito segue igual en Tecman-Rayman
Unha pasada protesta dos traballadores das auxiliares de Navantia
Diso informou a CIG nun comunicado, que apunta que deste xeito se suspende a folga nesta auxiliar do naval do Ferrol, pero mantense a convocada na UTE Tecman-Rayman ao non haber avances.
Navantia comunicou este luns a Indasa unha prórroga dun mes do contrato que dea tempo a resolver o conflito. Por iso, Ramón Fernández, da CIG-Industria de Ferrol, valora que a empresa "dá un paso" e "considera negociar un ERE temporal".
Con todo, critica que o conflito na UTE Tecman-Rayman segue enquistado, xa que "unha semana despois de iniciarse o paro, continúan sen poñerse en contacto co comité de folga para buscar solucións".
Escribe o teu comentario