​Sorpresa en Touro e O Pino pola "desaparición" da balsa mineira de Bama

A balsa mineira de Bama, tristemente coñecida nas localidades de Touro e O Pino por desbordarse cada vez que chove con intensidade, está "misteriosamente seca", advirte a 'Plataforma Veciñal Mina Touro-O Pino NON'.

A balsa de Bama está completamente seca

Chégaa do outono obriga aos veciños de Touro e O Pino a mirar constantemente ao ceo polo medo a que as choivas volvan contaminar os ríos da zona. Con cada estación chuviosa, a 'Plataforma Veciñal Mina Touro-O Pino NON' denuncia o estado das balsas do complexo mineiro, que se desbordan coas choivas e cuxo contido acaba vertiéndose a un afluente do río Ulla, co risco ambiental que iso supón. Con todo, nesta ocasión a plataforma non denuncia o desbordamento da balsa, senón a súa inusual situación.

"A balsa de Bama, coñecida por desbordarse e verter sobre un afluente do río Ulla cada vez que chovía, agora está misteriosamente seca", denuncia a plataforma veciñal, que leva anos reclamando que o mecanismo de contención non fai o seu labor polo seu deteriorado estado e as augas contaminadas acaban chegando ao río Brandanelos.

"Como se baleirou? E onde vai toda a auga que contiña? Sábeno Augas de Galicia e Galicia Crece?", cuestiona a plataforma.

Así adoita estar a balsa mineira

CRIME E POUCO CASTIGO

Mentres, hai unhas semanas multou por cuarta vez á empresa que pretende reabrir a mina de Touro por desviar e anular anulou un tramo do río Portapego cunha tubaxe sen a correspondente autorización.

A nova sanción pola contaminación na vella mina de cobre non parece que producirá efecto nos empeños das empresas por reabrir o complexo mineiro, xa que a multa é sensiblemente superior aos 5.000 euros, algo que Aleda Viva tachou de "ridículo" e denunciou o "trato amable por parte da administración que lle permite seguir actuando á marxe da Lei con total impunidade".