Chévere Teatro múdase de novo ao deixarlle Teo sen residencia

O máis premiado dos grupos galegos de teatro nos últimos anos abandona a súa sede en Teo despois de ter que marcharse da Sala Nasa de Santiago de Compostela

A compañía teatral Chévere, gañadora en 2014 do Premio Nacional de Teatro, anunciou que abandona o Concello de Teo (A Coruña), municipio limítrofe con Santiago no que estaba asentada desde 2011 como compañía residente.

A través dun comunicado, Chévere sinala que o motivo da súa despedida é a decisión do goberno de Teo de non convocar un novo concurso público para contratar o servizo de produción e dinamización teatral, adxudicado por última vez en 2016 á compañía nada en Santiago fai máis de tres décadas.

"Este contrato terminou o pasado mes de xuño e desde entón estabamos á espera dunha nova convocatoria, á que tiñamos previsto presentarnos para dar continuidade a un traballo que deu resultados moi destacables", apunta Chévere, que lamenta a desaparición de "unha convocatoria pública innovadora, que contribuíu a transparentar as relacións entre as empresas culturais e a administración".

NOVO GOBERNO MUNICIPAL BIPARTITO

Afirman que coñeceron a decisión de non convocar o concurso de mans da nova responsable da área de cultura do Concello de Teo, gobernado desde as pasadas eleccións municipais por un bipartito formado por Son de Teo e PSOE.

Chévere, que se trasladou a Teo en 2011 tras o peche da Sala Nasa en Santiago, tamén lamenta que os responsables municipais desen "un prazo dunhas semanas" para retirar do auditorio municipallas dotacións técnicas e a material propiedade da compañía.

ADEUS SEN FUNCIÓN

"Non foi posible sequera organizar un acto público de despedida. Así que non parece fácil que volvamos ver en Teo unha estrea de Chévere ou unha Ultranoite", engade, antes de valorar os seis anos en Teo como un período de "traballo moi intenso" nunha localidade que os acolleu "cos brazos abertos".

"Imos sentíndonos para sempre parte deste territorio e desta comunidade. Nalgunhas cousas acertamos e noutras seguramente non tanto, pero o noso compromiso sempre foi claro e non escatimamos en esforzos e recursos para levar adiante os proxectos que expomos", incide a compañía teatral.