O alcalde de Porto do Son (A Coruña) alerta de que o lume está preto do as acasas e avanza sen control

Oujo advirte que a situación é similar á dun pasado incendio que "arrasou" o municipio

O alcalde de Porto do Son (A Coruña), Luís Oujo, alerta de que o lume avanza "moi rapidamente" no municipio debido ao "forte vento".

ENCIMA DO NÚCLEO URBANO

En declaracións a Europa Press, o rexedor explica que tras iniciarse na parroquia de Miñortos xa chega á de Goiáns, "por encima do núcleo urbano de Portosín".

O lume declarouse ás 6,15 horas na parroquia de Miñortos. Polo momento sigue sen control e na última información actualizada da Consellería do Medio Rural xa queima 68 hectáreas.

CINCO MEDIOS AÉREOS

"A ver se somos capaces de controlalo porque o lume avanza moi rápido", subliña o alcalde, que indica que hai dúas aeronaves e tres helicópteros traballando na zona. Por iso, espera que se poida controlar antes de que chegue a noite e non poidan actuar os medios aéreos.

Polo momento, "non houbo que desaloxar a ninguén", mentres se espera a chegada da Unidade Militar de Emerxencias (UME) a partir das 13,00 horas. "Vai avanzando de norte a sur, é unha imaxe como a de 2006, que empezou nunha punta do concello e arrasou", lamenta.

Ademais, Oujo apunta que o lume chegou ata as inmediacións dunha nave industrial en Portosín, onde había un coche "que estaba medio abandonado", que resultou calcinado.

#IFMiñortosPortodoSon
🚨
Bombeiros nunha nave de ascensores en #Portosín para apagar un incendio onde había tambien un vehículo aparcado
Desaloxadas vivendas en #Argalo e #Miñortoshttps://t.co/zgbkkaPccA pic.twitter.com/XZHysPz2Ou1

— CIEM - Info e Emerg (@Cieminfo) September 5, 2019