Cortes na autovía do Salnés por obras a partir deste venres

|

Está previsto que as obras se prolonguen polo menos durante cinco semanas, o que obrigará a desvíos por estradas secundarias na zona de Curro.


A Consellería de Infraestruturas e Mobilidade retoma a partir deste luns as obras de renovación "extraordinaria" do pavimento da AG-41, a autovía do Salnés, que implicarán un investimento de máis de 5,14 millóns de euros e que foron interrompidas no verán "para evitar molestias aos condutores nas semanas de máis tráfico na zona".


Sinal de perigo fochanca.


Así, ao longo desta primeira semana de setembro está previsto continuar cos traballos iniciados en xuño, que foron paralizados un mes despois para non molestar aos condutores que no verán transitan pola devandita estrada.

"Esta obra permitirá dotar dunha nova capa de rodadura a toda a lonxitude da autovía e aos ramais de ligazón, incluíndose na mesma o repintado de todas as marcas viarias e a colocación de captafaros, ademais de melloras puntuais de drenaxe da auga da choiva", destacou a Xunta nun comunicado.

En total, estes traballos teñen oun prazo de execución de oito meses, pero o Goberno galego estima que poderán estar terminados leste mesmo ano.

ORDES, CERCEDA E TORDOIA
Doutra banda, a Consellería de Infraestruturas comezará este luns as obras de mellora do firme na estrada AC-413, ao seu paso polos concellos coruñeses de Ordes, Cerceda e Tordoia, e que supoñerán un investimento de case 800.000 euros.

Os traballos, adxudicados á empresa Construcións López Cao, teñen un prazo de execución de catro meses e levarán a cabo entre o punto quilométrico 3 e o 16+200 da devandita estrada, que coincide coa intersección coa vía autonómica AC-400, á altura do núcleo da Silva, en Cerceda.

As actuacións consistirán no fresado e a reposición do firme naqueles puntos nos que a capa de rodadura presente carencias ou se atope deteriorada.


Autovu00eda do salnes 1g 41








Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal Cookies Consello editorial Publicidade
Powered by Bigpress