Sánchez viaxa ata Valencia para tentar convencer a Compromís

O secretario xeral do PSOE e presidente en funcións, Pedro Sánchez, reunirase o vindeiro luns en Valencia con representantes de Compromís, nun encontro ao que acudirán o secretario de Organización dos socialistas e ministro de Fomento en funcións, José Luis Ábalos, e tamén o presidente da Comunidade Valenciana, Ximo Puig, segundo sinalaron fontes socialistas.

A reunión terá lugar pola tarde. Nas dúas últimas sesións de investidura erradas de Sánchez, o único representante de Compromís no Congreso, Joan Baldoví, abstívose tras lamentar que os socialistas non desen ningún paso para obter o seu apoio. "Se eles non se moveron, nós evidentemente, sentíndoo moito, non nos podemos mover", argumentou.

O mércores pasado, a ministra de Facenda en funcións, María Jesús Montero, anunciou que Sánchez ía manter contactos "discretos" cos líderes do resto de formacións nos próximos días.

"estaraos a chamar ou os chamará, os contactos serán discretos para que non teñan unha publicidade que impida poder profundar nas cuestións", asegurou Montero, reiterando que o presidente "non tira a toalla" e o "último" no que pensa o PSOE é na repetición electoral.