Vídeo: Abel Caballero tamén se atreve co skate

De todos é coñecido que Abel Caballero non é precisamente  tímido fronte ás cámaras dos medios de comunicación. Hoxe o alcalde de Vigo deu unha nova mostra durante a presentación do festival de cultura urbana O Marisquiño.

Como este ano a competición de skateboarding gaña importancia ao ser puntuable para os Xogos Olímpicos, o político socialista animouse a montarse nun patinete. 

Iso si, con axuda dun experto, aínda que só inicialmente. Aos poucos segundos o edil demostrou ser capaz de gardar o equilibrio e mesmo adoptou a típica postura dos skaters.

Unha curiosa imaxe que serve para axudar a pasar páxina despois da polémica do accidente no porto o ano pasado, cuxa responsabilidade está aínda sen dilucidar, nin xudicialmente nin politicamente, pois Concello e Xunta seguen á gresca.