A Xunta deixa sen cubrir case 1 de cada 5 prazas das oposicións de Educación

Pese ao elevadísimo número de opositores que acudiron ás recentes oposicións da Consellería de Educación, un 19% das prazas acabaron sen adxudicar. Algúns aspirantes e o principal sindicato do sector cren que o Goberno inflou artificialmente as prazas convocadas para poder presumir dunha gran oferta de emprego público.

Por exemplo, na especialidade de Formación e Orientación Laboral convocáronse 60 prazas e quedaron desertas un terzo, 20. Segundo opositores contactados por Galiciapress, á fase final -na que os candidatos expoñen o seu plan de ensino- xa pasaron menos candidatos do total de prazas ofertadas, a pesar de que moitos aspirantes levan anos impartindo esta materia como interinos.

Chama a atención o que sucedeu en francés, onde das 70 prazas ofertadas para primaria quedaron desertas máis da metade, 38.

Débese isto a que os tribunais tombaron a candidatos que non estaban suficentemente preparados? A CIG ensino, o sindicato máis importante do ensino en Galicia, tira de datos para argumentar que o Goberno inflou a convocatoria. 

"A CIG-Ensino xa denunciara na Mesa Sectorial na que a Xunta impuxo unilateralmente a oferta de emprego que se estaba incrementando estas prazas máis aló do mínimo fixado pola normativa legal para poder vender que se superaba novamente a cifra de 2000 prazas na OPE" , explica a central nun comunicado.

Segundo os seus datos, da "histórica" convocatoria de la Xunta de 2.604 prazas, só se cubriron 1.723. É dicir, hai 341 postos de profesor que non serán cubertos por profesores fixos e que se supón acabarán adxudicados mediante as máis precarias listas de substitución. 

A miúdo, os interinos dispoñen de menos dereitos que os seus compañeiros funcionarios como, por exemplo, cobrar durante as vacacións de verán. Esta escabechina, segundo a CIG, foi especialmente dura nas prazas de promoción interna ou acceso.  

USDG FALA DE "ESTAFA"

Unhas críticas que xa lanzara outro sindicato. A USDG (Unión Sindical de Docentes de Galicia) denunciou hai semanas que estamos ante unha "estafa" porque o proceso "non asume ningunha das demandas do persoal temporal que permita lograr a necesaria estabilización do emlpeo público".  Por exemplo, máis transparencia, para saber onde fallaron porque "non existen mecanismos para sabelo".

Segundo as súas cifras, unicamente entre o 5 e o 10% dos aspirantes pasaron o primeiro corte. Nalgunhas especialidades, como a citada Formación e Orientación Laboral (FOL) e Industrias Alimentarias, a porcentaxe dos que superaron o primeiro exame non chegou nin ao 8%.

Estas son algunhas das especializades onde quedaron vacantes, según datos da CIG: