Un cupón para popularizar aínda máis o polbo galego

Manuel Martínez Pan, delegado territorial da ONCE en Galicia e Basilio Otero Rodríguez, presidente da Federación Nacional de Confrarías de Pescadores, da Federación Provincial de Lugo e Patrón Maior de Burela, presentaron esta iniciativa coa imaxe do cupón do día 16 de xullo, que está dedicado ao polbo e do que se distribúen cinco millóns e medio de cupóns para impulsar o consumo de peixe.

O acto, celebrado na sede da Federación Provincial de Confrarías de Pescadores de Lugo, no Porto de Burela, contou tamén coa presenza do alcalde de Burela, do xefe territorial da Consellería do Mar de la Xunta de Galicia, Pablo Fernández Asensio e da directora da ONCE en Lugo, Eva Lorente.

“Impulsar o consumo de peixe” é o obxectivo dos catro cupóns que a ONCE sortea os días 15, 16, 17 e 18 de xullo, tras o acordo asinado entre o Grupo Social ONCE e a Federación Nacional de Confrarías de Pescadores. Un total de 22 millóns de cupóns (cinco millóns e medio cada día), promoverán o consumo de varias especies mariñas.

A Federación Nacional de Confrarías de Pescadores –FNCP- conta con 10.000 embarcacións e máis de 50.000 traballadores vinculados.

O polbo é o protagonista do cupón do martes 16; un molusco cefalópodo e octópodo que vive en fondos rochosos das zonas litorais, entre rocas e pedras. Con gran valor culinario, aliméntase de pequenos crustáceos, achega minerais e é rico en vitaminas do grupo B.