Dimite deputado e portavoz de economía de Cidadáns

|

Non todos os dirixentes de Cs están de acordo coa estratexia de Albert Rivera de montar un "cordón sanitario" ao PSOE de Pedro Sánchez e pactar  prefeentemente co PP e  na práctica tamén coa ultradereita de Vox. Isto quedou en evidencia na rolda de prensa de Toni Roldán no Congreso dos deputados, onde anunciou a súa renuncia argumentando que esa política de acordos coa dereita ten un "alto custo para España" e converte aos laranxas en sucedáneo dos "azuis".  Roldán era  un peso pesado, membro da permanente de Cs e responsable do programa electoral.


O ata agora portavoz adxunto de Cidadáns no Congreso e secretario de Programas e Áreas Sectoriais do partido, Toni Roldán, abandonou o partido debido ao xiro estratéxico que deu C's ao pactar con Vox e converténdose en "azuis".


Toni roldan ciuddanos dimision europa press




Con este cambio, desvirtúa os principios de "reformismo, rexeneración e a batalla contra o nacionalismo" cos que naceu a organización. 


"Non me vou porque eu cambiase, senón porque Cidadáns cambiou", comentou, incidindo en que o que está a facer a súa formación dista moito do "contrato" que el asinou cos de Albert Rivera, a quen, con todo, eloxiou.


Roldán convocou unha rolda de prensa no Congreso para detallar a súa marcha do partido e, deste xeito, deixar libre o seu escano na Cámara Baixa que ocupa desde decembro de 2015.Concorreu como número dous na lista por Barcelona e agora o seu posto poderá ser ocupado por Carina Mejías.


Recoñeceu que a deriva que elixiu a formación é "lexítima" pero que el non a comparte, como, segundo dixo, expresou todos os luns nas reunións da Executiva "desde a lealdade". "Pero non tiven éxito e un non pode tratar de ser o que non é demasiado tempo", asumiu.


"Todas as estratexias políticas teñen custo, pero os custos para España da estratexia elixida por Cidadáns son demasiado altos", advertiu.

Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal Cookies Consello editorial Publicidade
Powered by Bigpress