Nove de cada dez estudantes galegos aprobaron a parte obrigatoria da selectividade

Máis do 91 por cento dos alumnos que realizaron a ABAU, a chamada 'nova selectividade', logrou superar as probas na comunidade galega, a pesar dos moitos erros que provocaron atrasos ou cambios de hora nos examenes.

A Comisión Interuniversitaria de Galicia (CIUG) publicou este venres as notas provisionais das probas de acceso á universidade.

Dos 11.396 matriculados, finalmente presentáronse uns 11.289 estudantes tanto á parte obrigatoria como voluntaria das probas, o que supón un 98,98 por cento.

Deste dato, uns 9.858 presentáronse á parte obrigatoria da ABAU, resultando aptos 9.017, un 91,46 por cento, segundo as cifras provisionais trasladadas pola CIUG.

As notas definitivas non se publicarán ata o próximo 4 de xuño, e previamente abriranse prazos de presentación de solicitude de segunda corrección e de reclamacións.

Por estas datas, no ano 2018, tamén se daban a coñecer os resultados provisionais da selectividade,que aprobaran uns 9.091 estudantes, o 90,69% dos presentados.