Non houbo sorpresas: Jácome abraza o baltarismo e é alcalde de Ourense
Gonzalo Pérez Jácome alcanza o bastón de mando na cidade auriense despois de alcanzar un pacto co Partido Popular, perpetuando a saga Baltar á que prometeu derrubar.
Gonzalo Pérez Jácome alcanza o bastón de mando na cidade auriense despois de alcanzar un pacto co Partido Popular, perpetuando a saga Baltar á que prometeu derrubar.
Jácome, ante un cartel no que aparece Baltar, ao que prometeu derrubar
Un pacto cociñado a lume lento, moitas dúbidas e receos pero catorce votos a favor. Ese é o resultado obtido por Gonzalo Pérez Jácome, investido alcalde de Ourense. O líder de Democracia Ourensá chega ao poder levantado polo PP ao que prometeu derrubar e selando un polémico acordo que permitirá a continuidade de Baltar á fronte da Deputación de Ourense.
Aínda que se barallou a posibilidade de que houbese un cambio de última hora, finalmente non houbo lugar para sorpresas. As contas foron claras: sete concelleiros dos populares e outros sete de DO foron suficientes para dar a Jácome o bastón de mando, que lle permite gobernar a cidade durante catro anos.
A decepción do PSOE de Villarino, forza máis votada con nove concelleiros, é dobre, xa que non só non pode gobernar a cidade, senón que o acordo dá vida á saga baltar, que quedará de novo á fronte da Diputacion. Jacome, pola súa banda, poderá acometer algúns dos seus proxectos anunciados en campaña, como a construción do parque acuático.
Jácome asume o bastón de mando
"A Alcaldía é máis importante que producir unha substitución na Deputación", declarou o novo rexedor ourensán, quen chegou a proferir insultos e fortes críticas contra o goberno provincial de Baltar tanto nos últimos anos como na campaña para as municipais.
Escribe o teu comentario