Contactos de última hora para impedir que Jácome perpetúe a que chamou "saga tóxica" dos Baltar

|

Reunións case a desesperada tentan evitar o máis que probable 'cambio de cromos' entre Democracia Ourensá e PP. Os socialistas buscar convencer a Jácome de que non traizoe as súas reiteradas promesas de botar á "saga tóxica" Baltar. O líder conservador recoñece abertamente negociacións co que ata nada era o seu archienemigo. Os insultos que lle dedicaba ata hai pouco? Son "historias pasadas".


O presidente provincial do PP de Ourense, José Manuel Baltar, admitiu publicamente este xoves negociacións con Democracia Ourensá para reter a Deputación de Ourense, onde os populares perderon a maioría absoluta tras as eleccións do 26 de maio, e sobre os insultos que Gonzalo Pérez Jácome dirixiulle a el e ao seu partido durante anos, incluíunos no epígrafe de "historias pasadas".


Baltar está coas mans libres, despois de que Feijóo declarará hoxe que o PP de cada localidade e de cada provincia ten as mans libres para facer o que queira.


Visto o panorama, os socialistas témense o peor e hoxe embarcáronse en novas reunións para lograr polo menos que Rafael Rodriguez Villarino chegue a alcalde.


JESÚS VÁZQUEZ, CAMIÑO DO SENADO

Así as cousas, o máis probable é que este venres polo menos unha parte do PP na cidade de Ourense apoie a Gonzalo Pérez Jácome, que sería alcalde a pesar de que os ourensáns colocaron a DO en terceira posición. 


A cambio de tragarse a amarga pídora de investir ao líder localista que tanto o criticou esta lexislatura, o PP ofrecería a Jesús Vázquez un posto como senador por designación autonómica. Os conservadores recibirían despois o paoyo de DO, ou polo menos a abstención, para que o baltarismo perpetúese na Deputación. De feito, hoxe Manuel Baltar xa se esforzou en pasar páxina con Jácome.


Feijóo pide en Ourense o voto ao PP para que
Baltar, Feijóo e Vázquez en campaña


Para Baltar, agora hai que centrarse nun "novo escenario" e esquecer as "historias pasadas" porque é en "estes momentos" cando se mide "a grandeza das persoas". Na súa opinión, quen exerceu "insultos e vetos quedaron retratados".

O dominio na Deputación de Ourense, feudo histórico dos Baltar, primeiro co pai e despois co seu fillo, quedou no aire tras as municipais do pasado mes de maio porque o PP quedou, con 12 deputados, a un da maioría absoluta. Cidadáns obtivo unha acta na corporación provincial, pero condicionou calquera posibilidade de acordo co PP a que Baltar non ocupase a Presidencia.

CANTA VALE A PALABRA DE JÁCOME?
Democracia Ourensá, que conseguiu dous deputados provinciais, pasou de falar da "tóxica saga dos Baltar" a recoñecer que pactarían "co diaño" se trae "o ceo para Ourense". Así, a pesar de ser a terceira forza no Concello de Ourense, aínda que empatada co PP a 7 edís, reclama a Alcaldía para Pérez Jácome e xa avanzou que é a el a quen votará no pleno de constitución da corporación local do próximo sábado.


JACOME VÍDEO BALTAR

Jácome no seu vídeo de peche de campaña no que animou a votalo para poñer fin á saga Baltar, saga que agora negocia perpetuar


En declaracións aos medios tras o acto de entrega da medalla de Ouro da provincia a título póstumo ao doutor Luís Rodríguez Míguez, Baltar admitiu manter conversacións con Jácome para "falar de Ourense".

En calquera caso, puntualizou que, "a día de hoxe, aínda non se pode dicir nada", polo que deixa "aberta calquera vía na procura do mellor para Ourense". Segundo dixo, "sexa ou non presidente", el será "a persoa "máis feliz do mundo", xa que ten "unha familia encantadora e traballo", debido a que asegurou que é profesional da Administración pública.

GOBERNOS DE COALICIÓN
O presidente en funcións da Deputación de Ourense ejemplificó tamén co vivido no últimos catro anos no Concello de Ourense, que gobernou en solitario o seu compañeiro de partido Jesús Vázquez, para confesarse partidario de "gobernos de coalición" máis que de "gobernos en minoría".

Así, referiuse a que o últimos catro anos en Ourense estiveron carentes de "estabilidade" e como contrapunto referiuse á xestión da administración provincial, na que "si houbo estabilidade" e, na súa opinión, a institución colocouse "á vangarda dos gobernos de España".

De todos os xeitos, Baltar "segue reivindicando o peso de ter un resultado electoral" e subliña que hai que darlle "valor" tras obter "un número de votos superior a nacionalistas e socialistas xuntos".

Sobre o bastón de mando provincial, Baltar esgrimiu que "é unha vantaxe importante saber como se xestiona unha deputación, sen ter que preguntar o primeiro día por que porta éntrase". Así, puxo en valor ser o único "candidato coñecido" para optar á Presidencia do ente provincial e contar cun "programa electoral con 124 medidas".

"Ao 13 de xuño descoñécese nin sequera quen vai ser o candidato das outras formacións para presidir a Deputación", afirmou Baltar sobre a Presidencia do órgano provincial, que se elixe unha vez constituídos todos os concellos da provincia, precisamente porque se trata dunha elección indirecta, que non votan en urna os cidadáns.

VÁZQUEZ E A DISCIPLINA DE PARTIDO
Pola súa banda, o alcalde de Ourense en funcións, Jesús Vázquez, volveu este xoves para delegar na dirección dos populares a decisión sobre que opción votarán os sete concelleiros do PP o vindeiro sábado. "Como persoa que pertenzo a un partido, entendo a súa disciplina. O que decida o partido, e que será polo ben de todos", insistiu.

RIBADAVIA E MACEDA
Con respecto á gobernabilidade en Ridabavia e Maceda, Baltar apelou á "maioría de votos e de concelleiros" do PP e avogou por "gobernos estables", á vez que aventurou que, neste caso, "todo parece indicar que van ser os candidatos que gañaron as eleccións, os do PP, quen desenvolva as alcaldías". "Aínda que 48 horas son unha eternidade", concluíu.

Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal Cookies Consello editorial Publicidade
Powered by Bigpress