O PSOE non se molla contra a mina de Touro porque "supoñería actividade económica"
A polémica reapertura mina de Touro volveu a ser debatida no Parlamento, coa maioría do PPdeG apoiándoa, En Marea e Bloque en contra e o PSOE a medio camiño, absténdose
O PSOE valora que a reapertura da explotación mineira en Touro e O Pino (A Coruña) "supoñería actividade económica", aínda que condiciona a eventual autorización de la Xunta ao "cumprimento estrito da lei de minería" en vigor.
Veciños contrarios á mina entregando firmas no Parlamento hai uns meses| EP
Así se pronunciou a deputada Patricia Otero, no debate dunha iniciativa do BNG na comisión de pesca á que presentaron unha emenda. Como non foi aceptada, os socialistas abstivéronse na votación, na que o rexeitamento do PP impediu que saíse adiante.
En concreto, o texto pretendía que a Consellería do Mar solicitase ao Consello ter competencia no coñecemento e autorización do proxecto da empresa Cobre San Rafael, que é a que quere volver extraer cobre en Touro-O Pino.
Respecto diso, Teresa Egerique (PP) insistiu en que o proxecto "haberá que levalo adiante ou non segundo cumpra ou non os requisitos legais", polo que apelou a "esperar aos informes" e defendeu "transparencia total" no procedemento.
Pola súa banda, a nacionalista Montse Prado (BNG)avisou do "efecto letal" que ao seu xuízo tería para as augas e considerou que "está na man de la Xunta denegar ese proxecto, porque ten informes contundentes".
EN MAREA CRITICA A APOSTA "A CURTO"
Otero, por parte do PSOE, reclamou as "máximas garantías" e engadiu que a autorización "supoñería impulso económico" para a zona, pero precisou que debería darse só se hai un "cumprimento estrito da lei de minería" e "esixindo minimizar impacto ambiental e riscos".
En representación de En Marea, Paula Quinteiro reprochou aos socialistas que "o argumento do emprego non vale", xa que, na súa opinión, se se reabre a mina, "tamén destrúes outro emprego", como o vinculado coa actividade agrogandeira, e ademais o que se xeraría sería "a curto prazo".
Escribe o teu comentario