"Imos!", di un anuncio de Albert Rivera á beira do valo dun club de alterne

Cidadáns protagoniza, ao seu pesar, unha das anécdotas máis divertidas da campaña en Galicia. Unha dos valos que contratou aparece xusto á beira doutro cartel dun suposto bordel de Lugo, o club Ladies de Outeiro de Rei.

Dado o slogan que aparece sobre a imaxe dun decidido Albert Rivera -"imos!-,  a combinación dos dous reclamos publicitarios resulta curiosa e está a correr como a pólvora nas redes sociais de Lugo e toda Galicia.  

Unha asociación que os laranxas poderían evitar de contratar o valo en circuíto publicitario lugués e non a través dunha axencia estatal, dado o frecuente e o polémico das accións promocionais do local na zona.  E é que non é a primeira vez que un cartel do Ladies, que no pasado sufriu operacións policiais relacionadas coa estranxeiría e os bordeis, salta á actualidade.

 En outubro houbo polémica política pola súa presenza no campo do club de fútbol local. E tampouco é a primeira que un cartel asociado cun bordel lugués prexudica a imaxe doutra campaña, como sucedeu coa promoción de la Xunta para o Día da Muller.