Unha serie de atentados deixa centenares de mortos e case medio milleiro de feridos en Sri Lanka

O país asiático foi golpeado por unha onda terrorista que atacou igrexas e hoteis de luxo.

Unha serie de ataques terroristas en cadea provocou a morte de preto de 200 persoas en Sri Lanka, mentres aumenta o número de feridos. As últimas cifras oficiais anotaban 185 mortos e polo menos 469 feridos. Estipúlase que hai polo menos 35 estranxeiros entre as vítimas.

Os atentados tiveron lugar en distintos puntos do país e os obxectivos foron igrexas, que durante o Domingo de Pascua contaban cunha gran asistencia, e hoteis de luxo. Polo momento contabilizáronse seis estoures, aínda que o caos imperante no país non permite esclarecer o número de puntos onde ocorreron os atentados.

Os tres hoteis afectados, todos de cinco estrelas, están na capital do país, Colombo, e son o Cinnamon Grand, o Kingsbury e o Shangri-A.

Segue lendo a noticia en Catalunyapress.