Veciños e ecoloxistas piden a dimisión do director xeral de Minas e lembran os 'dólares nunha maleta Samsonite'

Pimeras reaccións á noticia da investigación (antes coñecida como imputación) do director xeral de Minas de la Xunta Bernardo Tahoces.

O colectivo ecoloxista, Verdegaia,  que exerce a acusación particular no preito, apunta á existencia de "moitas irregularidades".

Tahoces declara como imputado.
Neste documental aparecen moitas irregularidades en torno á mina de San Finx que poderían explicalo.https://t.co/YPFt6Yymua

— Verdegaia (@verdegaiaGZ) 17 de abril de 2019

Pola súa banda, desde a plataforma veciñal Mina de Touro - O Pino Non reclámase o cesamento inmediato do político investigado. 

Nota de prensa de Plataforma Veciñal @minatouropinono esixindo a demisión de Anxo Bernardo Tahoces, Director Xeral de Minas, imputado por un presunto delito de prevaricación ambiental #MinaTouroOPinoNON pic.twitter.com/eJSizNhCK4

— Pilar Fernandez (@pilaraymara) 17 de abril de 2019

"Un directivo cun currículo tan manchado non pode estar á fronte dese departamento, e moito menos ser o responsable da decisión sobre o proxecto mineiro de Touro", argumentan os veciños. 

A plataforma Mina de Touro - O Pino Non lembra a traxectoria deste cargo público, en concreto a súa "pésima xestión da crise das vacas tolas" e as "irregularidades e arbitrariedades na tramitación da mina de ouro de Corcoesto, despois de que a empresa promotora destapase unha suposta trama na que 'amigos de o presidente Feijóo', entre os que se atopaba, reclamaban 'dólares nunha maleta Samsonite' ”. 

Unha pasada manifestación contra a mina no Obradoiro

Ademais, reclaman á Xunta que peche xa o expediente para a reapertura da mina de cobre n os seus municipios, "un procedemento longo e tedioso, paralizado sine die sen motivos xustificados ". 

Desde a oposición, un deputado de En Marea lembra que levan meses reclamando o seu cesamento. Antón Sánchez entende que debe ser retirado do posto ante a súa "conivencia con empresas mineiras contaminantes".