Anxo Quintana volve á política activa co BNG

|

O regreso a unha lista electoral de quen foi vicepresidente da Xunta de Galicia pode non ter efectos prácticos inmediatos, pero ten moita importancia a nivel interno para o Bloque a medio prazo


O exvicepresidente de la Xunta Anxo Quintana reapareceu na lista do BNG para as eleccións locais do próximo 26 de maio, o municipio do que foi alcalde máis de dez anos, e despois de abandonar a formación da que foi líder entre 2003 e 2009. "Un motivo de alegría", para a portavoz nacional da formación nacionalista, Ana Pontón.


Quintana reaparece na lista do BNG de Allariz tras deixar a formación en 201Quintana, á dereita, con compañeiros do BNG


A volta a unha candidatura do Bloque de Quintana é simbólica, como número 22 da lista de suplentes da candidatura que encabeza Cristina Cid e na que lle segue, como número 23 e con ese mesmo sentido de recoñecemento, Francisco García, que foi o sucesor do expresidente da Xunta na Alcaldía de Allariz e rexedor durante as últimas dúas décadas.

Anxo Quintana deixou o BNG en marzo de 2016 e despediuse a través dunha carta á militancia de Allariz na que explicaba as súas razóns para darse de baixa polas diferenzas coa dirección, xa capitaneada entón por Ana Pontón. "Doume de baixa do BNG, que non de nacionalista, e aínda que hoxe non haxa ningún partido no noso país desde o que o poida facer, a miña vontade estará sempre disposta a colaborar na construción nacional de Galicia", subliñou daquela.


Quintana argumentou que, en todos os casos "procurou sempre colaborar co proxecto", desde a súa "humilde achega persoal como militante". "Unhas veces tocoume ser militante de base e outras ocupar importantes responsabilidades. De todas as etapas gardo grato recordo e agradecemento para a organización e os compañeiros que me outorgaron tan alta representación e cos que compartín traballos, ilusións, alegrías e pesares", sinalou naquela carta fai tres anos.

VALORACIÓN DA ACTUAL LÍDER NACIONAL

Ao ser preguntada na presentación do programa do BNG para as xerais, a portavoz nacional do Bloque, Ana Pontón, dixo que é "un motivo de alegría" e que "vén demostrar que moita xente está a sumarse ao BNG, que é unha alternativa política propia".


Anxo quintana bng fotonoticia 20150215154039 644

Sen comentarios

Escribe o teu comentario




He leído y acepto la política de privacidad

No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal Cookies Consello editorial Publicidade
Powered by Bigpress
CLABE