A portavoz do PP culpa do aumento de violacións ao alcalde Xulio Ferreiro

O pleno municipal viviu un duro enfrontamento entre os populares e o rexedor herculino, que ante esas acusacións deu por concluído o debate.

A portavoz do Partido Popular na cidade da Coruña, Rosa Galego, asegurou durante o pleno municipal que o medios reflicten “un aumento dos delitos contra a liberdade sexual do 15%” na cidade herculina e que as violacións disparáronse “un 150%” na cidade.

A popular di que esta subida “non é culpa da Policía”, senón que achaca as violacións ao alcalde Xulio Ferreiro. “A culpa tena un alcalde ao que non lle preocupa a seguridade cidadá”, argumentou Rosa Galego.

As afirmacións espertaron a indignación do rexedor coruñés, dando por pechado o debate. “Acabouse o debate. Acábanme de acusar de que o número de violacións aumentou nesta cidade por min culpa”, defendeuse Xulio Ferreiro.

O alcalde dixo que xa era “suficiente” e deu por concluído o debate cando ía intervir o tamén popular Miguel Lourenzo.