Os traballadores de DIA concéntranse en todas Galicia

Esta mañá celebrouse protesta no almacén da empresa no Polígono do Tambre.

Xornada decisiva para o futuro de DIA. A cadea de supermercados celebra este mércores a súa xunta de accionistas en Madrid, que marcará o devir desta empresa que arrastra problemas nos mercados e cuxo futuro a día de hoxe é incerto, con previsión dun ERE que afectará a gran parte do persoal.

Con motivo da xornada, os traballadores da empresa realizarán protestas ao longo do día en distintos puntos de Galicia, así como no resto de España. Esta mesma mañá un grupo de traballadores protestaron fronte ao almacén do grupo no Polígono do Tambre en Santiago de Compostela.

Tamén se celebrarán concentracións en Ourense, concretamente na Avenida Zamora, en Lugo, na Avenida Coruña, e en Vigo, en cálea Conde de Torrecedeira, diante de tendas da compañía. Na mesma liña, o sindicato Comisións Obreiras convocou, en solitario, paros de dúas horas para esta tarde, de 17 a 19 horas, na mesma liña dos paróns de 10 a 12 horas desta mesma mañá.