Ata "21 pacientes graves" nos corredores de urxencias do SERGAS, que reforza o servizo

|

O Complexo Hospitalario Universitario de Santiago (CHUS) volve ser noticia pola acumulación de pacientes nos corredores de urxencias.  A delegada de prevención denúnciao en o xulgado de garda. En declaracións a Galiciapress, o SERGAS apunta a unha inusual entrada de pacientes, recoñece "atraso" na subida a planta e di poñer máis medios.



PasillosurgenciasCHUS

Unha imaxe de arquivo de pacientes nos corredores de urxencias do CHUS


A delegada de prevención de Urxencias do Hospital Clínico, a médica Fátima Nercellas, solicitou de novo amparo ao xuíz de garda pola presenza de "pacientes graves no corredor" deste servizo na tarde deste martes ao haber enfermos pendentes de ingreso na área de Observación.


21 PACIENTES EN CORREDORES

En declaracións a Europa Press, Nercellas manifestou que hai "cola" desde as 14,00 horas deste martes en Urxencias e, como ás 16,00 horas había "21 pacientes graves nos corredores" e 28 pendente de ingreso "ocupando a sala de Observación" decidiu pedir amparo ao xuíz de garda.


VERSIÓN DO SERGAS

En declaracións a Galiciapress,  fontes oficiais do SERGAS admiten unha "ralentización" nos ingresos do SERGAS pero negan a gravidade da situación descrita por Nercellas. 


Desde a EOXI de Santiago explícase que hai moitísimos ingresos nas últimas horas -230 adultos desde as 8 da mañá ata as 6 da tarde-. Ademais,d ebido a que o martes é un día de moita actividade nos quirófanos, indican que é unha xornada con poucas altas médicas.


Sumadas as dúas circunstancias, produciuse a citada "ralentización" á que o SERGAS respondeu habilitando con persoal ("enfermeiras e celadores") a sala de rehabilitación para que os pacientes de urxencias -"xa con cama asignada"- esperasen antes de subir a planta. 


As citadas fontes aseguran tamén que "Urxencias leva meses reforzado", mesmo antes da folga, e que a EOXI realizou contratacións a maiores e específicas ante situacións así. O SERGAS apunta a que habilitou camas no Gil Casares hai semanas, e hoxe había camas dispoñibles alí, pero que non todos os pacientes que acoden a urxencias son susceptibles de ser trasladados a ese centro. 


SEGUE A FOLGA

Nercellas é membro do sindicato de médicos O'Mega. É a única central que non asinou o acordo para poñer fin á folga en urxencias do SERGAS, desconvocada pola xunta de persoal ao arrincar á Xunta máis celadores e enferemeras, pero non tantos médicos como reivindicaban os traballadores. Algúns dos médicos acordaron este luns seguir co paro.



Agora ben, a folga non explica os problemas de urxencias. En primeiro lugar, porque os servizos mínimos son do 100%, polo que unicamente limita potencialmente a cantidade de horas extras. 


En segundo lugar, porque urxencias do CHUS arrastra un longo historial de situacións semellantes. Así, a principios de 2019 sufriu atrasos en Urxencias que acabaron nos xulgados,ao morrer dúas persoas días despois. Nercellas denunciou que morreron tras empeorar nos corredores durante horas, versión que o SERGAS nega. 


POR QUE ACABA NO XULGADO?

A médica xustificou remitir ao xulgado o sucedido hoxe porque "é unha situación que pode ser de risco como a do día 2 de xaneiro", cando Nercellas denunciou ante Fiscalía a morte de dous pacientes no corredor, lembrou.


Por iso, insistiu en que a petición de amparo "é unha cobertura legal" para "denunciar unha situación que se escapa das mans aos médicos".


Respecto diso, concretou que unha "media hora" despois de pedir amparo ao xuíz de garda, a xerencia compostelá abriu a zona de "REA antiga para subir a 15 pacientes" dos 28 pendentes de ingreso na sala de Observación.


PRIMEIRA VEZ

Nercellas recorreu o pasado 11 de febreiro ao xuíz de garda porque ás 12,00 horas dese luns había 18 pacientes pendentes de ingreso e 19 nos corredores.


Por iso, como ás 16,30 horas dese luns permanecían 13 pacientes en Observación pendentes de ingreso e 13 graves nos corredores por falta de espazo, enviou "por primeira vez" unha "solicitude de amparo ao xuíz de garda" de Santiago como delegada de prevención co fin de poñer no seu coñecemento "unha situación de risco".

Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal Cookies Consello editorial Publicidade
Powered by Bigpress