Santiago terá unha nova ligazón coa autoestrada para partir do venres

|

O delegado do Goberno en Galicia, Javier Losada, avanzou que o Ministerio de Fomento poñerá en servizo o venres a ligazón da autoestrada AP-9 con Santiago Centro e a Cidade da Cultura.


Cidade da Cultura, Santiago de Compostela
Así, quedarán abertos os catro ramais, un de entrada e un de saída en cada sentido, que darán acceso a Santiago de Compostela desde o quilómetro 70 da AP-9.

Losada detallou que a nova ligazón "aliviará a conxestión" do nó de Santiago Norte, no quilómetro 67, cunha alternativa que, á súa vez, "mellorará a accesibilidade cara aos barrios do centro da capital galega", especialmente de Fontiñas e Sar.

As obras foron executadas polo Ministerio de Fomento, con un orzamento total de 3,36 millóns de euros. As actuacións realizáronse no marco dun convenio coa Fundación Cidade da Cultura, a Xunta e Audasa.

Do orzamento, 2,83 millóns corresponden a obras, 0,31 millóns a expropiacións e 0,22 a asistencias técnicas de redacción de proxecto e de control e vixilancia. O convenio establece que Audasa encargarase da conservación e explotación da ligazón, a Fundación Cidade da Cultura achegou os terreos e a Xunta ocupouse das expropiacións e a redacción do proxecto.

Javier Losada puxo en valor a importancia da cooperación institucional para levar a cabo esta actuación e resaltou a súa importancia de fronte ao próximo Xacobeo 21.

Sen comentarios

Escribe o teu comentario




He leído y acepto la política de privacidad

No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal Cookies Consello editorial Publicidade
Powered by Bigpress
CLABE