Historia contra a "postverdade": Novo libro detalla como o franquismo reprimiu a miles de profesores galegos

|

Cal foi o papel de mestres delatores, párrocos, "homes de bos costumes", Falanxe e mesmo "colectivos de veciños" na onda de represión contra os mestres tras a Guerra Civil? Este é un dos aspectos que desvela un novo libro. A depuración do Maxisterio nacional na provincia da Coruña (1936-1945) acaba de ver a luz da man da Fundación Luís Tilve e será presentado mañá venres na sede da Deputación da Coruña.


O seu autor éJesús Manuel García Díaz, director da UNED en Ourense . O historiador recolleu o Premio Luis Tilve de Investigación e Divulgación Histórica o pasado día 20 de decembro.



A depuraciu00f3n do Maxisterio nacional na provincia da Coruu00f1a (1936 1945)


Alí enarborou a necesidade de relatar o noso pasado para combater o medo e a postverdade: “Nestes tempos en que vivimos, convén chamar tamén a atención dado que a devandita situación non é moi doada. Nela campea a posverdade, que por suposto, tamén afecta á historia. Temos, como dí Lucien febvre, que facer Historia na medida que é a única capaz de permitirnos vivir con reflexos distintos aos do medo, nun mundo en situación de inestabilidade definitiva. Porque a Historia comprende e fai comprender. Máis ca unha lección diaria é unha condición permanente de atmosfera. A Historia resposta as preguntas que ou home de hoxe fai necesariamente. Explicación de situacións complexas en cuxo ambiente ou home debatirase menos cegamente se coñece a súa orixe”.


Temos, como dí Lucien febvre, que facer Historia na medida que é a única capaz de permitirnos vivir con reflexos distintos aos do medo, nun mundo en situación de inestabilidade definitiva


Este volume consta de máis de 500 páxinas. Detalla o proceso de "depuración administrativa" levado a cabo polo primeiro franquismo cos mestres das escolas rurais e urbanas da provincia coruñesa.  Para iso, tira de 2.000 expedientes con documentos de, entre outras fontes, Autoridade Gubernativa Militar, o Reitorado, a Comisión Depuradora Provincial, a Comisión de Cultura e Ensino; a Comisión Superior Dictaminadora, a Oficina Técnico Administrativa, o Ministerio de Educación Nacional e o Xulgado Superior de Revisións. 


A portada recolle a icónica obra de Castelao, A derradeira lección do mestre, exposta temporalmente na Cidade da Cultura. 


ROLDA DE PRENSA DE PRESENTACIÓN

Na presentación de mañá, a partir das 11 horas,  participarán o presidente da Deputación da Coruña, Valentín González Formoso; o presidente da Fundación Luís Tilve, José Benito Núñez López; e loxicamente o autor, Jesús Manuel García Díaz.

Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal Cookies Consello editorial Publicidade
Powered by Bigpress