As lanchas para perseguir aos narcos galegos pasan semanas paradas
Hai intención real de combater a "fariña" cando as lanchas do SVA están paradas 15 días cada mes e hai funcionarios de 68 anos? Isto é o que se preguntan os traballadores de aduanas a través dun dos seus sindicatos.
Hai intención real de combater a "fariña" cando as lanchas do SVA están paradas 15 días cada mes e hai funcionarios de 68 anos? Isto é o que se preguntan os traballadores de aduanas a través dun dos seus sindicatos.
A representación da CIG na Axencia Tributaria alerta de que o servizo de vixilancia aduaneira está "en mínimos". "De non poñérselle remedio, nun futuro moi próximo terá que empezar a pechar bases por falta de persoal", advirte. A representación da CIG na Axencia Tributaria alerta de que o servizo de vixilancia aduaneira está "en mínimos". "De non poñérselle remedio, nun futuro moi próximo terá que empezar a pechar bases por falta de persoal", advirte.
A crítica foi referendada pola Asociación de Policía Aduaneira e Fiscal a través das súas redes sociais:
O abandono que sufrimos a última década en canto a prazas de novo ingreso empeza a mostrar as súas consecuencias. Por desgraza non é só Galicia, a situación é xeneralizada.@aduanassva @Haciendagob @mjmonteroc @gascon_catalan @sanchezcastejon https://t.co/8nOMKSV5NIN
— ASOCIACIÓN DE POLICÍA ADUANEIRA E FISCAL (@APAYFADUANAS) 31 de xaneiro de 2019
"FALTA DE EFECTIVOS"
A través de unha nota de prensa, a central nacionalista explica que a "a elevada idade" dos funcionarios do servizo "súmase a falta de efectivos". Respecto diso, critica a "dirección" que leva o servizo en Galicia, á que atribúe que Galicia "segue sendo un dos puntos de maior entrada de droga de Europa".
Así, apunta que desde o mes de noviembre as embarcacións de Marín e Muros e Costa da Morte están "paradas 15 días ao mes por falta de xefes de embarcación".
Patrulleiro de alta velocidade clase Corvo mariño (Rodman-55HJ) Aguia-I na Base Naval de Marín. | Outisnn CC BY-SA 3.0
No caso de Vilagarcía, de catro xefes de embarcación "só queda unha persoa facendo as funcións propias do seu posto", asegura, "co cal se non recorren a persoal doutras bases, tamén esta embarcación permanecerá parada 15 días ao mes".
En Ribadeo, debido á "carencia" de axentes marítimos, "está a recorrerse a persoal de seguridade privada para a vixilancia da propia embarcación", indica a CIG.
Engade que hai personal de 68 anos tanto no Marítimo como en Investigación e durante este ano 2019 conta con que se xubilen "como mínimo" oito funcionarios das distintas categorías. En marzo, incide, está previsto que se xubilen dous xefes de máquinas. A todo iso engádelle que as embarcacións de Muros e Ribadeo "teñen máis de 33 anos".
Escribe o teu comentario