Estes son as 74 viaxes de Baltar pagados con diñeiro público a países como Brasil, Israel ou Estados Unidos

Que hai de verdade nas denuncias socialistas de "paseos pagos con diñeiro público" do presidente da Deputación de Ourense?  O PP deféndese presumindo de transparencia. Os socialistas din que se levan gastados 132.000 euros, cantidade moito menor da detallada na web provincial.

O Partido Socialistavolve a cargar contra a febre viaxeira do presidente da Deputación de Ourense. Acusan a Manuel Baltar, de ofrecer "información nesgada" sobre o seu "circuíto de viaxes secretas" e de non concretar o gasto de ningún dos seus "paseos pagos con diñeiro público", aunque "realmente" pagaron máis de 132.000 euros a "tres axencias de viaxes".

O PP de Ourense respondeu esta semana a través de Pablo Pérez.  O coordinador do grupo provincial enarborou a detallada información sobre viaxes na web da Deputación de Ourense. 

Para o PSOE, esta información é parcial, para o PP mostra de que a institución provincial é líder en indicadores de transparencia a nivel estatal.  Os conservadores presumen que a web publica "perfectamente detalladas as viaxes do presidente".

Que información publica exactamente o portal público? Os apartado gastos de viaxes divídese en dúas subapartados, "gastos por asistencias a órganos colexiados" e "outros".

En "outros" figura unha relación coa data da viaxe, o lugar, o tipo de dieta que se pagou e observacións. Segundo este apartado, estes foron as viaxes ao estranxeiro do presidente provincial:

Son en total 74 viaxes. A pesar de non ter competencias directas en política exterior, viaxou ao estranxeiro a Brasil, Estados Unidos (en dúas ocasións), Italia, Israel, Portugal, Bélxica, Arxentina, Uruguai e Francia.

Baltar reuniuse co parlamentario Oded Forer en Israel

Aínda que nalgúns deses estados non hai comunidades de emigrantes galegos relevantes nin son sedes de institucións internacionais, Baltar xustificou os desprazamentos con asistencias a congresos de organizacións sectoriais ou, por exemplo, na viaxe a Israel, como "misión institucional, académica e empresarial".

SÓ UNHA FACTURA ESTÁ PUBLICADA

En só un caso a Deputación achega unha factura concreta dunha viaxe, os 4.538,22 euros facturados por Viaxes Piña polos voos da viaxe a Curitiba (Brasil) para asistir ao Seminario Internacional de Boas Prácticas e Gobernanza.

Manuel Baltar co directivo da Rexión Metropolitana de Curitiba, Carlos do Rego Almeida

Segundo relata Europa Press, a portavoz socialista na Deputación, di que a pesar das 64 preguntas formuladas por rexistro sobre os seus "paseos", Baltar "volveu a ofrecer circunloquios", "escudándose en mandar á oposición ao servizo de intervención para coñecer eses custos concretos".

Os socialistas denuncian que Baltar mantivo como "secretos" a maior parte de "eses paseos" e ofreceu "datos manipulados con gastos irrisorios e parciais". Nun pleno ordinario de xaneiro relatou "a súa axenda pero non detallou nin un só custo".

CIFRAS

Para o PSdeG, "a manipulación do PP no caso das viaxes é escandalosa". Mentres que no espazo de transparencia, as viaxes do ano 2016 só custaron 5.367 euros, ese ano "segundo a información á que accederon os socialistas, pagaron 60.782 euros a tres axencias de viaxes".

En o ano 2017, fronte á cifra de 7.917 euros que figura como gastos en viaxes, os socialistas afirman que ascenderon a "71.525 euros".

Elvira Lama cargou contra "a propaganda de Baltar", que volveu falar de "transparencia máxima" e de cualificar como "abusiva" a petición de información dos socialistas, e anunciou que, de non haber cambios ante o "reiterado bloqueo informativo, estudan emprender accións oportunas para obrigar a publicar os datos ocultados".

Baltar cun directivo do Departamento de Comercio de EE.UU. nunha a das dúas misións comerciais que fixo a ese país