Mil galegos convocados á folga este luns

Unísono é unha das maiores empresas do estado en centros de chamadas. Só en Vigo, a multinacional  dispón de tres centros de traballo cuns mil empregados. Traballa para empresas tan importantes como BBVA, Santander ou Vodafone.

Unha pasada protesta contra un ERTE en Unísono en Madrid / CXT

Por vez primeira todos os seus representantes sindicais únense para convocar unha folga de 24 horas. Será este luns 28 de xaneiro. Un dos obxectivos  é denunciar que "as contratacións desta empresa fanse de modo fraudulento e case en exclusiva en mediante ETTS".

NOVE SINDICATOS SUMAN FORZAS

"Incentivos opacos pagos mal e tarde", incumprimento dos horarios e falta de calefacción nos centros de traballo son outros dos motivos esgrimidos polas centrais sindicais. Ata 9 sindicatos uníronse na convocatoria: CXT, UXT, CIG, Trabajadores Unidos, CC.OO., CSI, CSIF, USO e SomosSindicalestas. 

"É o momento de dicir basta á empresa", insisten. A compañía, por agora non reacciona publicamente á convocatoria. Ademais do paro, en Vigo están convocadas tres concentracións, diante das dúas oficianas de Granvía e a de Valencia, a partir das 3 da tarde.