Paros dos médicos de Primaria e os PAC do SERGAS

Se o SERGAS tiña esperanzas de desmovilizar aos galenos cos seus grupos de traballo, terá que esperar. Unha nova mobilización, por agora de cinco minutos, afectará ao SERGAS os venres.

O conselleiro de Sanidade  pasa por diante dun cartel da mobilización nos PACs

O grupo promotor de melloras da Atención Primaria da área de Santiago acordou convocar paros de cinco minutos en centros de saúde e Puntos de Atención Continuada (PAC) para reivindicar unha "primaria digna e unha sanidade pública de calidade".

Así o explicou, en declaracións a Europa Press, o médico e portavoz da plataforma SOS Sanidade Pública, Manuel Martín, quen concretou que as mobilizacións de cinco minutos terán lugar os venres ás 12,00 e ás 18,00 horas.

"Supoñemos que é unha batalla a longo prazo", admitiu o doutor Martín, quen comentou o calendario de mobilizacións acordado nunha reunión celebrada esta martes para defender "unha primaria digna e unha sanidade pública de calidade".

Ademais, acordaron incorporar un lazo negro nas lapelas de batas de todo o persoal sanitario e non sanitario e elaborar un panfleto para o persoal e pacientes en defensa dunha "sanidade pública de calidade".

CAMBIO DE MODELO

Sobre o cambio de modelo, a trintena de asistentes á reunión acordaron esixir a negociación de "un novo Plan Mellora da Atención Primaria" que "se negocie con todas as organizacións de primaria", tanto de profesionais como sindicais, matizou Manuel Martín.

Sobre o novo contrato de estabilidade para médicos, os presentes no encontro consideraron que resulta "inaceptable" nos termos acordados porque "son condicións case de escravitude" porque "os profesionais teñen que estar a disposición da Administración en todo momento".

Con todo, fixeron un chamamento para participar na manifestación convocada en Santiago de Compostela o día 10 de febreiro ás 12,00 horas en defensa de "unha Atención Primaria digna". A marcha partirá da Alameda e concluirá na Praza da Quintana.