Garda Civil denuncia á xuíza Pilar de Lara por "falso testemuño" en sede xudicial

O Garda Civil en activo Javier Martínez Branco denunciou hoxe nos xulgados á maxistrada Pilar de Lara e á súa avogado Gerardo Pardo de Beira. O funcionario argumenta que a xuíza mentiu cando declarou como testemuña esta semana na vista oral dun preito contra o Garda Civil.

Alicerce de Lara

Segundo a denuncia, á que tivo acceso Galiciapress, a testemuña mentiu cando declaro que llo axente lanzáballe miradas "ameazantes" cando coincidían en misa, polo que tivo que cambiar os seus costumes e deixar de asistir á Igrexa. Segundo o Garda, De Lara "seguiu acudindo con toda normalidade a esa Igrexa, incluso estando presente o actual señor Fiscal Xefe de Lugo". 

RELATO DA XUÍZA

No xuízo de onte De Lara, segundo cita O Progreso, declarou que o axente  "comezou a realizar comentarios no foro nos que facía referencia a este caso e á miña persoa. Eu ía todos os domingos á igrexa da Nova, onde tocaba no coro, e un día coincidimos e miroume con desafío (...) Eu sentinme observada, vixiada, e collín medo ata o punto de que non podía durmir", engadiu.

 O Garda Civil  responde na denuncia que "Pilar de Lara Cifuentes mentiu durante todo o desenvolvemento da instrución previa" e  volveu mentir na vista oral, a pesar de que as testemuñas teñen a obrigación de dicir a verdade. 

CONFLITO Por mor da CARIOCA

O funcionario e De Lara manteñen un longo conflito xudicial, polo menos desde 2012. A polémica xorde ao fío duns comentarios no foro O Faro Verde. De acordo á jueza recoñeceu que se deu de alta na conversación virtual para comprobar se axentes criticábana alí. Despois denunciou que empezou a recibir mensaxes privadas ameazantes a través desa web. O axente nega ser o autor desas mensaxes e mesmo descoñecer os "nicks" "mantecada, marioneta e campionato" que di a xuíza utilizou no Foro.

O certo é que a cuestión vén aínda de máis atrás, da Operación Carioca, unha das macrocausas que instrúe a maxistrada. Nela imputáronse a numerosos gardas civís aínda que moitas das súas pezas foron arquivadas.

A denuncia presentada hoxe tamén afecta a outra xuíza, Ronsel San José. O axente di que mentiu na vista oral cando afirmou que nunha conversación o axente confesoulle que usaba certo nick no citado foro. 

Ao avogado de Pilar de Lara acúsalle de "inxurias e calumnias" por dicir que o alterou un atestado xudicial, cando alega o único que está en discusión noutro preito no Supremo se estaba facultado para realizar certas dilixencias, polas que sufriu unha sanción disciplinaria.

Así as cousas, outra fronte xudicial que se lle abre á xuíza. Hai que lembrar que o Consello Xeral do Poder Xudicial tena expedientada polas demoras en moitas das súas instrucións. Segundo O Confidencial, a xuíza estivo de baixa por tensión agudo o ano pasado.