Aínda hai tempo para vacinarse contra a gripe e case todos os ingresados ata hoxe non o facía

A campaña 'Contaxia a túa enerxía e non a gripe' rexistra un aumento de 20.000 persoas con respecto ao mesmo nivel de 2017

A campaña 'Contaxia a túa enerxía e non a gripe', posta en marcha pola Consellería de Sanidade, logrou xa vacinar contra esta enfermidade a máis de 548.000 galegos, unha cifra que supón 20.000 persoas máis que no mesmo momento da campaña do ano anterior. Así o informou a Xunta de Galicia en relación a esta iniciativa que comezou o 22 de outubro e que conclúe este venres.

Feijóo vacinándose contra a gripe

Das persoas vacinadas, 386.000 tiñan 65 ou máis anos, unha das poboacións nas que esta vacina está especialmente indicada, o mesmo número de persoas que as vacinadas na campaña antigripal do ano pasado. De seguir esta tendencia, explica a Xunta, ao final da campaña, este segmento superaría o 57,8% de cobertura vacunal do pasado ano.

Ademais do incremento do nivel de poboación xeral, Sanidade subliñou a mellora das coberturas entre os profesionais sanitarios, cun aumento de case un 30%, segundo os datos provisionais manexados, consolidando a tendencia dos últimos anos.

Do mesmo xeito, subliñou o "espectacular incremento" de vacinación das mulleres embarazadas, cun ascenso próximo ao 70% con respecto á campaña de 2017, "probablemente debido a unha maior concienciación da importancia desta enfermidade no embarazo por parte das mulleres e dos profesionais sanitarios que as atenden".

AÍNDA SE PODE VACINAR

Sanidade indicou que este añou en Galicia está a atrasarse a chegada da onda gripal e, por tanto, os cidadáns aínda están a tempo de vacinarse. Así, aínda que a campaña termina este venres, as persoas que estean interesadas poden acudir a vacinarse a algún dos 900 puntos de vacinación repartidos por toda a comunidade. A recollida das doses de vacina antigripal dos centros non se realizará ata a segunda quincena do mes de xaneiro.