Estes son os plans para que a fachada marítima da Coruña volva ser habitable
Os proxectos gañadores serán expostos para que a cidadanía vote sobre a planificación urbanística do futuro da fronte marítima urbana
Un total de cinco propostas resultaron finalistas no concurso de ideas convocado polo Concello da Coruña para a reordenación da fachada marítima entre o dique de abrigo e a praia de Oza.
As proxectos gañadores, que levarán un premio de 25.000 euros cada unha deles, son heteroxéneos pero con "ideas en común", segundo indicou, en rolda de prensa, o alcalde da Coruña, Xulio Ferreiro.
Así, as cinco seleccionadas son Porsuporto (con 67 puntos), Nosfíos (50 puntos), Growing Together (42 puntos), Porto Metrolitano (27 puntos) e Cidade Porto (20 puntos).
Todas elas efectúan apostas por toda clase de equipamentos, infraestruturas ou vías de comunicación, pero sempre coa vista posta en que o porto sexa "un pulmón" para a cidade, asegura o rexedor.
SÓ UNHA EXCLÚE VIVENDAS
Só una das cinco propostas finalistas exclúe as vivendas na zona portuaria, dúas delas apostan pola construción de vivenda pública e as outras, por edificación privada.
A idea máis valorada, 'Porsuporto', expón unha "proposta realista" ao presentar un proxecto dividido en fases. Pola súa banda, a terceira proposta, a diferenza do resto, aposta máis pola enxeñería e, entre as súas ideas, destaca a conectividade peonil a través de pasarelas.
"Non casamos con ningunha proposta", indicou o concelleiro de Rexeneración Urbana, Xiao Varela, que destaca que o obxectivo era conseguir unha serie de propostas para debater o futuro da fachada marítima, cuxa titularidade, insiste, "debe ser pública".
ELABORACIÓN DUN DOCUMENTO
Con todas estas propostas, explica o alcalde, búscase "crear un documento de negociación" que sirva para debater co resto de administracións e, de fronte ao futuro, "articular un mecanismo institucional que permita levar estas ideas á práctica".
En definitiva, puntualiza o alcalde, o concello quere avanzar nun "proceso aberto" que sirva para sentar "as bases" do futuro deseño do bordo litoral. Por iso, os proxectos serán expostos á cidadanía para que vote o seu contido.
Fronte a isto, desde o PP, o seu portavoz Rosa Galego manifestou a súa "sensación de fracaso" á saída do xurado, que se reuniu este xoves. Un "fracaso" que a popular achaca á "pouca expectación" do concurso, que "só recibiu 18 propostas".
Escribe o teu comentario