Alarma bacteriolóxica nun cárcere galego

A alerta salta no medio dun conflito laboral e con moitos funcionarios de baixa médica

Ao parecer, hai dous funcionarios que foron illados como medida preventiva

Unha carta recibida no cárcere da Lama, en Pontevedra, motivou a activación da alarma bacteriolóxica ao detectar "algo sospeitoso" nela, segundo informaron a Europa Press fontes da prisión.

Estas fontes explicaron que a misiva chegou en á primeira hora da mañá deste mércores, e que, ao detectarse nos controis habituais "algo sospeitoso", activouse o protocolo por alarma bacteriolóxica.

Este plan de actuación motiva que ninguén poida entrar nin saír da prisión mentres se realicen os labores para aclarar o sucedido e durante o tempo no que os expertos analizan a carta. Ademais, as dependencias nas que está a misiva permanecen illadas.

Este feito prodúcese nun momento no que máis de unha vintena de funcionarios da prisión atópanse de baixa médica, situación que os sindicatos vinculan coas condicións nas que prestan as súas funcións.