Caballero di que Vigo podería deixar as luces de Nadal funcionando pasadas as festas
O goberno municipal de Vigo estudará manter durante todo o mes de xaneiro a iluminación do Nadal, a petición dos empresarios da cidade, segundo avanzou en rolda de prensa o alcalde da cidade, Abel Caballero.
"Os hoteis están cheos e os comercios venden máis que nunca", presume o alcalde de Vigo
O goberno municipal de Vigo estudará manter durante todo o mes de xaneiro a iluminación do Nadal, a petición dos empresarios da cidade, segundo avanzou en rolda de prensa o alcalde , Abel Caballero.
O rexedor olívico di que o impacto económico da iluminación de Nadal na cidade "é tal que os empresarios piden mantelas durante o mes de xaneiro". "Estudarémolo", apuntou Caballero.
Así, volveu a repetir que "non hai precedentes" da gran afluencia de visitantes de toda Galicia e de toda España á cidade, e repetiu que "hai cheo nos hoteis, nos restaurantes e os comercios venden máis que nunca".
Segundo relatou o alcalde, a modo de anécdota, un cidadán vigués que vive en Londres explicoulle que puido seguir "en directo" a retransmisión da inauguración da iluminación "a través de BBC One". "Repítoo, BBC One, retransmisión en directo das luces de Vigo, isto non ten precedentes na historia da cidade", sentenciou.
Escribe o teu comentario